सौ. ज्योती कुळकर्णी
कवितेचा उत्सव
☆ आनंदकंद… ☆ सौ. ज्योती कुळकर्णी ☆
☆
गालात हासते अन स्वप्नात रंगते मी
डोळ्यात पाहतांना नात्यात गुंतते मी
*
तो मंद गार वारा स्पर्शून खास गेला
कुठल्यातरी स्मृतींना जागून लाजते मी
*
घाटात वाट जाते ही दूर दूर कोठे
माझ्याच आठवांशी बंदिस्त राहते मी
*
त्या धुंद सागराच्या भेटीत खूष धरणी
लाटेत चिंब ओली बेधुंद नाचते मी
*
या भूतलावरी हा आनंदकंद माझा
येथेच स्वर्ग आहे आनंद शोधते मी
☆
© सौ. ज्योती कुळकर्णी
अकोला
मोबा. नं. ९८२२१०९६२४
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
