प्रा डॉ जी आर प्रवीण जोशी
कवितेचा उत्सव
☆ स्वातंत्र्य… ☆ प्रा डॉ जी आर प्रवीण जोशी ☆
☆
रंग वेगळे ढंग वेगळे
स्वातंत्र्याचे वारे वेगळे ।। धृ ।।
*
सत्तेसाठी होती गोळा
जातीसाठी हात चोळा
आरक्षणाचे वारे आगळे
स्वातंत्र्याचे वारे वेगळे
*
सबका साथ सबका विकास
झुंडशाहीचा मतलब खास
सरकारी खुर्चीचा अभ्यास
लोकशाहीचे मंत्र आगळे
स्वातंत्र्याचे वारे वेगळे
*
भ्रष्ट सत्ता भ्रष्टाचारी नेते
नवगणिताचे वारे वाहते
कुठले मंत्री कुठले खाते
बरबटलेले हातच सगळे
स्वातंत्र्याचे वारे वेगळे
*
गोरगरीब अपंग जनता
कुठे आहे राजा जाणता
इतिहास सगळा बदलून टाकता
आहे इथे सगळेच काळे
स्वातंत्र्याचे वारे वेगळे
☆
© प्रो डॉ प्रवीण उर्फ जी आर जोशी
ज्येष्ठ कवी लेखक
मुपो नसलापुर ता रायबाग, अंकली, जिल्हा बेळगाव कर्नाटक, भ्रमण ध्वनी – 9164557779
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
