सौ. अर्चना गादीकर निकारंगे
स्व-परिचय
मी सौ. अर्चना प्रमोद निकारंगे, राहणार मुंबई येथे, मला कविता व कथा लिहायला खूप आवडतात. मी शिकविण्या घेते. मला लेखनाचा व वाचनाचा छंद आहे .
कवितेचा उत्सव
☆ पॅशन… ☆ सौ. अर्चना गादीकर निकारंगे ☆
☆
पॅशन जपावी प्रत्येकजण म्हणतो खरं,
ना नशिबी आली तर विस्कटतं का सारं ?
पूर्ततेसाठी हिच्या मनुष्य सर्वस्व देतो
आपल्या अमूल्य गोष्टींचा तो दाता होतो.
*
असते पॅशन शब्दात रेंगाळण्याची,
तर कधी उपजत गुणांना फुलवायची.
पॅशन असो कुठल्याही वयाची
मुभा असते त्यात मनमुराद डुंबण्याची.
*
मनाच्या कप्प्यात दडलेल्या तिला
काढावे हळुवार अलगद बाहेर ;
आणि बहरू द्यावे मनसोक्त
मजेत मस्त आनंदाच्या लहरींवर
☆
© सुश्री अर्चना गादीकर निकारंगे
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
