प्रा. भरत खैरकर
कवितेचा उत्सव
☆ “अर्धस्फुट ओठी माझ्या…” ☆ प्रा. भरत खैरकर ☆
☆
अर्धस्फुट ओठी माझ्या..
गाणे कोण गातो वेडा
कधी मनामध्ये वसतो
ते कधीकधी नामानिराळा!
*
अर्धस्फुट ओठी माझ्या..
एक गीत फुलकळीचे
ऐन वसंतात आल्या
आकस्मित पानगळीचे !
*
अर्धस्फुट ओठी माझ्या..
हुंदके कोण देई कोकिळ
घरट्यात कावळे तिच्या
जीवनाचे करुनी वारूळ!
*
अर्धस्फुट ओठी माझ्या..
आर्जवाचे मौनगीत
क्षुधा माझी सांज रंगी
हरवलेली शोधी प्रीत!
☆
© प्रा. भरत खैरकर
संपर्क – बी १/७, काकडे पार्क, तानाजी नगर, चिंचवड, पुणे ३३. मो. ९८८१६१५३२९
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
