श्री तुकाराम दादा पाटील
कवितेचा उत्सव
☆ काजवे… ☆ प्रा तुकाराम दादा पाटील ☆
☆
काळोखाला हळूवार उजळत
पथदर्शक ठरणारा
काजव्यांचा स्वयंप्रकाशित थवा
आता सक्रिय झाला आहे.
तोच दाखवील आता समाजाला
पानथळ आणि गर्द हिरव्या झाडीन बहरलेलं नवं नंदनवन,
भविष्यातल्या चिरस्थायी वास्तव्यासाठीच…….
तिथं आपण सारेच
एक जथा करून
घाम गाळून राबत जगायला
कसलीच नसणार आहे आडकाठी
लागणार नाहीत कुणाच्या
भ्रष्टाचारी कुबड्या आधारासाठी
या काजव्यांना जपू या जीवापाड
जावूया स्वयंस्फूर्तीने त्यांच्या सोबत.
सांगू या त्यांना आपल्या कथा व्यथा
कारण त्यांची निर्मिती केली आहे निसर्गान,
अंधारबन उजळायला माणसांनी निर्माण केलेलं
आता आपणच आधारवड ठरूया काजव्यांचे.
त्यांना देऊया संधी मनमुराद चमकायला,
ते सक्षम आहेत त्यांचं आणि आपलंही
वर्तमान उज्वल करण्यासाठी…..
देऊया आझादी त्यांना
त्यांच्या सुसंस्कृत, विशाल, विश्वासू कर्तृत्वा साठी
पुढे जाऊन तेच ठरतील दीपस्तंभ.
इतकं तर आपण त्यांच्या साठी नक्कीच करू शकतो.
☆
© प्रा. तुकाराम दादा पाटील
मुळचा पत्ता – मु.पो. भोसे ता.मिरज जि.सांगली
सध्या राॅयल रोहाना, जुना जकातनाका वाल्हेकरवाडी रोड चिंचवड पुणे ३३
दुरध्वनी – ९०७५६३४८२४, ९८२२०१८५२६
≈ संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर ≈
