सौ.वनिता संभाजी जांगळे
कवितेचा उत्सव
☆ अभंग… ☆ सौ. वनिता संभाजी जांगळे ☆
☆
पंढरीच्या नाथा। भार तुजवरी।
धाध धाव हरी। सावराया।।
*
तुजविना नाही। कोण इथे वाली।
तुझीच सावली । विसावया ।।
*
तुझ्याच नामाचा। लागो आता छंद।
मन व्हावे धुंद। भक्तीभावे ।।
*
येणेच न झाले । देखण्या पंढरी।
सावळा तू हरी। सदा दृष्टि ।।
*
येई न कामाला । सगे गोतावळा ।
व्यर्थ हा सगळा। मायाजाल। ।
*
मुखी पांडूरंग। ध्यानी व्हावे दंग।
घडावा तो संग। तुजनामे ।।
☆
© सौ.वनिता संभाजी जांगळे
जांभुळवाडी-पेठ, ता. – वाळवा, जिल्हा – सांगली
संपादक – श्री हेमन्त बावनकर/सम्पादक मंडळ (मराठी) – सौ.उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
