मराठी साहित्य – कवितेचा उत्सव ☆ र त न   टा टा ! ☆ श्री प्रमोद वामन वर्तक ☆

श्री प्रमोद वामन वर्तक

 कवितेचा उत्सव  

☆ र त न   टा टा !☆ श्री प्रमोद वामन वर्तक ☆

☆

रत्ने अनमोल जन्मा येती 

सटीसामाशी भारतात,

घर करुनी लोकां ह्रदयी 

मग विलीन होती अनंतात !

*

तन मन धनाने अर्पिती 

जनसेवेस आपले जीवन,

काढून देशोदेशी नवउद्योग 

वाढविती भारताची शान !

*

नत मस्तक होऊन आपण 

वाहू श्रद्धांजली महापुरुषाला,

आधुनिक उद्योग धंद्याचा 

ज्याने भारतात पाया रचला !

*

टाटा नाममुद्रा उद्योगांवरची 

ठरली जणू मुद्रा सचोटीची,

पाऊल ठेवून त्या पावलावर 

पराकाष्ठा करूया प्रयत्नांची !

*

टाटा कॅन्सर हॉस्पिटलचे 

चाले संशोधन या रोगावर,

सतत करूनी रोग्यांची सेवा 

नाव टाटांचे केले अजरामर !

☆