मराठी साहित्य – कवितेचा उत्सव ☆ सुखी माणसाचा सदरा ! ☆ श्री प्रमोद वामन वर्तक ☆

श्री प्रमोद वामन वर्तक

 कवितेचा उत्सव  

☆ सुखी माणसाचा सदरा ! ☆ श्री प्रमोद वामन वर्तक ☆

☆

“मीच जगी सर्वात सुखी” 

मंत्र जपा सतत मनात,

ठेवा असं आपलं वागण 

सदा होई वाहवा जनांत !

*

हात सढळ तुमचा ठेवा

यथाशक्ती मदतीसाठी,

बना काठी आंधळ्याची

दिन दुबळ्या लोकांसाठी !

*

हाकून शेळ्या उंटावरूनी

उगा उपदेश करू नका,

जरी दिसला झगडा समोर 

तरी नाक खुपसू नका !

*

करून कर्तव्य गृहस्थाश्रमी 

भाजा भाकऱ्या लष्कराच्या,

चुकवू नका कधीच तुम्ही 

संधी कुठल्या लोकसेवेच्या !

*

मिळून मिसळून लोकांमध्ये 

सन्मार्गाने जीवन आचरा,

मग लोकं मागती मनापासूनी 

द्या तुमचा सुखी सदरा !

द्या तुमचा सुखी सदरा !

☆