प्रा डॉ जी आर प्रवीण जोशी
कवितेचा उत्सव
☆ कुटुंब… ☆ प्रा डॉ जी आर प्रवीण जोशी ☆
☆
घरासारखे घर असावे
नकोच नुसत्या भिंती
प्रेमाने उजळून निघावे
गंधित होईल माती
*
घरात मुख्य स्तंभ हा
दक्ष राजा आणि राणी
रेशीम धागे सहज गुंफता
सुचतील मग गाणी
*
मातीची होईल पणती
आणि सगे सोयरे नाती
प्रेमाचे तेल घालता
उजळत जातील वाती
*
घर असावे गोजिरवाणे
आजी आजोबा वृद्ध
नातवंडे असावी सालस
प्रत्येक जण होईल बद्ध
*
नांदावे एकत्र कुटुंब हे
आपुलकीची भाषा
सहानभूती एकमेकांना
भविष्याची आशा
☆
© प्रो डॉ प्रवीण उर्फ जी आर जोशी
ज्येष्ठ कवी लेखक
मुपो नसलापुर ता रायबाग, अंकली, जिल्हा बेळगाव कर्नाटक, भ्रमण ध्वनी – 9164557779
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
