श्री प्रमोद वामन वर्तक
कवितेचा उत्सव
🙏 जरी वाजले सूप 🙏 श्री प्रमोद वामन वर्तक 
आली म्हणता म्हणता
येवून सरली दिवाळी,
ठेवा भरून डब्यात
आता शिल्लक रांगोळी !
*
चिवडा चकली शेवेचा
उरला असेल जर चुरा,
करून रविवारी मिसळ
त्याचा तुम्ही वापर करा !
*
ताट लक्ष्मी पूजनाचे
ठेवा नीट सांभाळून,
पुढच्या वर्षी दुप्पट
भर घालायची ठरवून !
*
धुरात पुन्हा फटाक्याच्या
कधी पैसे टाकू नका,
अनाथांना दान देण्याचे
मनाशी ठरवून टाका !
*
जरी संपला हा दीपोत्सव
तेवत ठेवा स्वप्नांचे दीप,
निर्धार करुनी स्वप्नपूर्तीचा
मान मिळवा जगी खूप !
मान मिळवा जगी खूप !
© श्री प्रमोद वामन वर्तक
संपर्क – दोस्ती इम्पिरिया, ग्रेशिया A 702, मानपाडा, ठाणे (प.) – 400610
मो – 9892561086 ई-मेल – [email protected]
≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
