श्रीशैल चौगुले
कवितेचा उत्सव
☆ आयुष्य… ☆ श्रीशैल चौगुले ☆
☆
निघून जातील घन
ढळत्या थेंबांची वर्षा
नाचती हरित धरा
हळव्या वायूचे स्पर्शा.
*
तिथे कुठेतरी मन
लपून अजून आहे
इंद्रधनू स्पंदनात
दुःखही सजून आहे.
*
म्हणून आवडे ऋतू
स्मृतीत स्वच्छंदी नभ
भिजरे सतत भाव
भुमीस सुखाचा लोभ.
*
किमया निसर्ग माया
कळीचे पाकळी फूल
उमले आयुष्य नवे
जन्माची गतीक भूल.
☆
© श्रीशैल चौगुले
मो. ९६७३०१२०९०.
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर
