श्री प्रमोद वामन वर्तक
कवितेचा उत्सव
😞 😅 ताल आणि ठेका ! 
श्री प्रमो वामन वर्तक
☆
होई बेताल बघा सारे
ठेका चुकता तालाचा,
नाही वेळीच सावरला
रंग उडेल आयुष्याचा !
*
करू नका श्रीगणेशा
द्रुत लयीच्या ठेक्याने,
अन्यथा घात ठरलेला
धावता जलद गतीने !
*
सोप्पे नसते कधीच
घट्ट पकडणे तालास,
आयुष्य पडते खर्ची
सुंदर सम गाठण्यास !
*
जो ताल आला नशिबी
त्या लयीत ठेका धरावा,
हा मंत्र सुखी आयुष्याचा
तुम्ही मनावर कोरावा !
तुम्ही मनावर कोरावा !
☆
© श्री प्रमोद वामन वर्तक
संपर्क – दोस्ती इम्पिरिया, ग्रेशिया A 702, मानपाडा, ठाणे (प.) – 400610
मो – 9892561086 ई-मेल – [email protected]
≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
