श्री रवींद्र सोनावणी
कवितेचा उत्सव
☆ पहाटें पहाटें… ☆ श्री रवींद्र सोनावणी ☆
☆
पहाटें पहाटें मला जाग आली,
तुझी याद ओल्या, सुगंधात न्हाली ।।ध्रु।।
*
वरी लाल आरक्त प्राची नवेली,
कुणी मुग्ध ललना, जणू लाज ल्याली,
समिरातूनी रंग शिंपीत गेली ।।१।।
*
जरी मध्यरात्री, तुझी साद आली,
परी मंचकी, मुक्त एकांत भाळी,
असें भास ह्रदयांस, या नित्य जाळी ।।२।।
*
झुलावे फुलारुन, वाटें कळ्यांना,
परी मर्म याचे, तुला आकळेनां,
म्हणूनच रात्र ही, निःशब्द झाली ।।३।।
☆
© श्री रवींद्र सोनावणी
निवास : G03, भूमिक दर्शन, गणेश मंदिर रोड, उमिया काॅम्पलेक्स, टिटवाळा पूर्व – ४२१६०५
मो. क्र.८८५०४६२९९३
≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
