सुश्री नीलांबरी शिर्के
कवितेचा उत्सव
☆ स्वागत नव्याने… ☆ सुश्री नीलांबरी शिर्के ☆
☆
रोज रात्री झोपल्यावर
उद्या उठूच असे नसते
म्हणूनच रोज सकाळी
नव्या सुर्याचे दर्शन घडते
*
म्हणून रोजचा दिवस नीत्
संपतो म्हणूनच जगायच
आपली चांगली आठवण
मागे राहीलस वागायच
*
जे वाईट साईट बोलतात
त्यांचे विचार त्यांच्यापाशी
वाईट वागण खोट बोलणं
ज्याच कर्म त्याच्या पाशी
*
उगाच आपण झुरत राहून
फरक कधीच पडत नसतो
बाकीच्यांचा विचार करत
मनस्वास्थ हरवून बसतो
*
म्हणून आपणआता यापुढे
आजचाच दिवस जगायच
उद्या दिवस असेल आपला
नव्याने स्वागत करायच
☆
© सुश्री नीलांबरी शिर्के
≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
