श्री प्रमोद वामन वर्तक
कवितेचा उत्सव
🤣🚶🏻♀️आ रं भ शू र ! 🚶🤣 
श्री प्रमो वामन वर्तक
☆
दिसले सकाळी मजला
चेहरे नवीन फिरतांना,
पाहून उत्साह वाटला
मज ते सारे बघतांना !
*
अजून थोडे दिवस तरी
त्यातले काही दिसतील,
जसं जसे दिवस जातील
थोडेतरी गायब होतील !
*
एक तारीख नववर्षाची
करती चालण्याचा संकल्प,
पण भर सरता उत्साहाचा
होतो आळसाचा प्रकोप !
*
‘उद्या नक्की’चा वायदा
करून आपल्या मनाशी,
आरंभशूर करती सलगी
मऊ ऊबदार गादीशी !
मऊ ऊबदार गादीशी !
☆
© श्री प्रमोद वामन वर्तक
०१-०१-२०२५
संपर्क – दोस्ती इम्पिरिया, ग्रेशिया A 702, मानपाडा, ठाणे (प.) – 400610
मो – 9892561086 ई-मेल – [email protected]
≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
