श्रीशैल चौगुले
कवितेचा उत्सव
☆ कवीनायक… ☆ श्रीशैल चौगुले ☆
☆
कविच्या उरात शब्दांची वरात
कल्पना भरात विवेकशृंगार.
*
मनाच्या माहेरी भावना दाटती
अक्षरे भेटती हृदय स्पंदनी.
*
नाचती आनंदे ऋतूंची प्रसंगे
निसर्ग अभंगे चरण पाखरे.
*
ऐसेही रचित प्रज्ञेच्या सेवेत
कवण कवेत विसावे प्रतिभा.
*
जे न देखियती तेजस्वी अलोक
कृपेचा पाईक कवीचे जीवन.
*
लेखणी प्रसन्न सत्याचे दृष्टांत
कवीचा निष्ठांत आत्माही कविता.
☆
© श्रीशैल चौगुले
मो. ९६७३०१२०९०.
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
छान!