श्रीशैल चौगुले
कवितेचा उत्सव
☆ प्याला… ☆ श्रीशैल चौगुले ☆
☆
प्याला भरुन दे साकी
आज होईन मी तृप्त
काल घडून जे गेले
स्मृती पेईन अतृप्त.
*
धुंद कैफात हे मन
हृदया भय का, पिण्या
नव्या नशेची हि वेळ
तारुन नेता कारुण्या.
*
मैफल रंगात आली
तोल सावरित हाला
आणखी भरता साकी
अजाण भविष्य प्याला.
☆
© श्रीशैल चौगुले
मो. ९६७३०१२०९०.
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
छान लिहिले