श्रीशैल चौगुले
कवितेचा उत्सव
☆ होळिची बोंब… ☆ श्रीशैल चौगुले ☆
☆
नाही गहु हरभर्या कोंब
दोन्ही हाताने होळीत बोंब
वि. का. स. सोसायटीची झोंब
कर्जमाफी नाही मारा बोंब.
*
पैका न्हाय, अडकाबी न्हाय
काँक्रिट खाया शिकलो असतो
रस्त्ता काॕन्ट्रॕक्ट मिळाले असते
आश्वासनं खोटीच मारा बोंब.
*
ह्यांव करतो त्यांवबी करतो
निवडून आल्यावं झाल काम
मोठी माणसं लाचत जाम
शेतकरी मेला मारा बोंब.
*
एक-दोन न्हाय तीघं मंत्री
कळली न्हाय नेमकी जंत्री
भानगड एकच कळंत्री
जनता येडीच मारा बोंब.
*
चंगळ चैनीत सत्ता हाय
पाच वर्षे आता गुड् बाय
महामार्ग जोडा हाय फाय
तोंडावर हात मारा बोंब.
☆
© श्रीशैल चौगुले
मो. ९६७३०१२०९०.
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
