डॉ. शैलजा करोडे
कवितेचा उत्सव
☆ “सार्थ करूया जीवन…” ☆ डॉ. शैलजा करोडे ☆
(अष्टाक्षरी)
☆
वाट जीवन काटेरी
होई सरळ सुगम
बाळगावा मात्र मनी
आशावाद तो दुर्दम्य
*
कर्म चांगले करते
नाव यश किर्तीवंत
फळ कष्टाला मिळते
करू कार्य शोभिवंत
*
भुकेल्यांना द्यावे अन्न
आंधळ्याची काठी बना
जनसेवा ईशसेवा
मर्म जीवनाचे जाणा
*
असे संस्कार शिदोरी
जीवनात बहुमोल
जपतसे सदभाव
यश मिळते अमोल
*
जन्म मानव दुर्लभ
व्हावा नर नारायण
माणुसकी जपा मनी
सार्थ करूया जीवन
☆
© डॉ. शैलजा करोडे (काव्यशलाका)
नेरुळ नवी मुंबई मो. 9764808391
ईमेल – [email protected]
≈ संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर ≈
