प्रा. भरत खैरकर
कवितेचा उत्सव
☆ ते… ☆ प्रा. भरत खैरकर ☆
☆
ते आराखडे नवे आखीत आहे
तळवे वेळोवेळी चाखीत आहे.
*
‘होईल उध्दार मागुनी तुमचा ‘
ज्योतिष्याचे हे भाकीत आहे.
*
माणसाला न ज्यांच्या ठायी निवारा
हाय! दगडापुढे ते वाकीत आहे.
*
मिळाला न ज्यांना जीवनात कैफ
डुंबले रात्रंदिन ते साकीत आहे.
*
उलटेच सारे व्यवहार येथे
शेत कुंपणाला राखीत आहे.
*
कुणाचे तेल अन् दट्ट्या कुणाचा?
आपापली सारे माखीत आहे.
*
मोक्याच्या ठिकाणी फाटलेच वस्त्र
ठेवून हात आता झाकीत आहे.
☆
© प्रा. भरत खैरकर
संपर्क – बी १/७, काकडे पार्क, तानाजी नगर, चिंचवड, पुणे ३३. मो. ९८८१६१५३२९
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
