श्रीशैल चौगुले
कवितेचा उत्सव
☆ गुंतता हृदय… ☆ श्रीशैल चौगुले ☆
☆
गुंतता हृदय.
हृदय गुंतून ठेवणे
दुरुनच प्रीत जपणे
जगणे ते खरे झुरणे
स्मृती अंतरी खुपणे.
*
आयुष्य सावल्यांचे रंग
केवळ स्वप्नांचे तरंग
विरह भेटी लागे भृंग
प्रेमात धुंद कृष्ण संग.
*
वळणे अनंत क्षणाला
प्रश्न एकची या मनाला
होकार मिळती कुणाला
नकार उतरे प्रणाला.
*
भेटणे आतासे विलंब
सांजही जोमात अचंब
लांब-लांब झुलते बिंब
डोळे सांडती अश्र कुंभ.
☆
© श्रीशैल चौगुले
मो. ९६७३०१२०९०.
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर
