मेहबूब जमादार
कवितेचा उत्सव
☆ आंतरराष्ट्रीय पुस्तक दिनानिमित्त – पुस्तक… ☆ 
मेहबूब जमादार ☆
☆
वाचावं पुस्तक अन
घ्यावे जगांच ज्ञान
पुस्तक चाळून चाळून
शोधावं आपलं पान
*
पुस्तक लिहिलं तर
लोकांना कळलं पाहिजे
माणसाशी माणूसकीचं
नातं जुळलं पाहिजे
*
खरंतर पुस्तक म्हणजे
प्रत्येकाचं आयुष्य असतं
बरंच सारं भरून जातं
कुठलं पान कोरं नसतं
*
पुस्तक देतात पंख
करण्या गगन विहार
बघा असंख्य नेत्रांनी
शोधा मनाचा हुंकार
*
पुस्तकी असे ओलावा
पानाही पालवी फुटते
काळजात फुटतो पान्हा
समुद्रालाही भरती येते
☆
© मेहबूब जमादार
मु. कासमवाडी,पोस्ट -पेठ, ता. वाळवा, जि. सांगली
मो .9970900243
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
