सौ. शुभदा भास्कर कुलकर्णी (विभावरी)
कवितेचा उत्सव
☆ || चैत्रपालवी || ☆ सौ. शुभदा भा. कुलकर्णी (विभावरी) ☆
☆
साद देतसे चैत्राला, बहरातला वसंत.
गुढी उभारून करु नववर्षाचे स्वागत..
*
जिर्ण पर्णे टाकुनिया वृक्ष नव्याने नटले
मोहक चैत्रपालवी फांदी-फांदीवर डोले..
*
विविध रंगी फुलांचा सुगंध दरवळला
छत्र घेऊनी उन्हाचे गुलमोहर फुलला..
*
आम्रतरु मोहरला बाळकै-या खुणावती
हर्षभरे फांदीवरी राघू-मैना गाणी गाती..
*
रसभ-या फळांतुनी अमृतरस पाझरे..
गोड -आंबट द्राक्षांचे वेल दिसती साजरे…
*
वळिवाची एक सर तप्त ऊनं शमविते..
थंडगार वा-यावर हिरवाई डोलविते…
*
निसर्ग हा खुलेपणी भरभरुन देतसे..
मनी ‘चैत्रपालवी ‘ जपण्यास सांगतसे…
💦🌨️.
© शुभदा भा.कुलकर्णी (विभावरी)
कोथरूड-पुणे.३८.
मो.९५९५५५७९०८
≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
