श्रीमती अनुराधा फाटक
☆ कवितेचा उत्सव ☆ कवितेचे झाड… ☆ श्रीमती अनुराधा फाटक ☆
माझ्या कवितेच्या झाडाला
विचारांच्या शाखा
शब्दांचे गुच्छ बहरती सहज
माझ्या कवितेच्या झाडाला
विविध रंगी फुले
रसिकतेची फुलपाखरे
बागडती सभोवती
माझ्या कवितेच्या झाडाची मुळे
पसरती रानोमाळ
शोषण्या अनुभवपाणी
माझ्या कवितेच्या झाडाचे खोड
प्रतिभेची ओल
साठली तेथे
माझ्या कवितेचे झाड
मनाच्या अंगणी
होते निगराणी नकळत
असे माझे काव्यझाड
बहरावे सदोदित
हीच माझी प्रार्थना
शारदा मातेला!
© श्रीमती अनुराधा फाटक
≈ संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित ≈
