मराठी साहित्य – कवितेचा उत्सव ☆ तरी प्रश्न वेडा ☆ डॉ मेधा फणसळकर

डॉ मेधा फणसळकर

कवितेचा उत्सव  

☆ तरी प्रश्न वेडा ☆ डॉ मेधा फणसळकर ☆ 

इथे सावलीला, सुखाच्या किनारी

तरीही जरासे,उभे ऊन दारी|

असे केवड्याला, सुगंधी कहाणी 

कशी वेढते रे, मिठी ही विषारी|

उगवत्या सकाळी, झळाळी नव्याची

धुक्याने स्वतःची, पसरली पथारी|

गुलाबी फुलांचे, गुलाबी इशारे

परी हाय काटा, रुते का जिव्हारी?

मनाच्या तळाशी, निराकार सारे

तरी प्रश्न वेडा, पुन्हा तो विखारी|

© डॉ. मेधा फणसळकर

मो 9423019961

≈संपादक–श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे ≈