सौ. वंदना अशोक हुळबत्ते
☆ कवितेचा उत्सव ☆ पाऊसातील भेट…. ☆ सौ. वंदना अशोक हुळबत्ते ☆
माळरानी त्या भेटीत
दाटे पाऊस मनात
वारा सुटता सोसाट
आला पाऊस रानात
हात हातात गुंतता
स्पर्श झाले रे बोलके
गवतात चालताना
मन झाले रे हलके
पावसाची सर प्याले
मीच पाऊस रे झाले
रंग न कळे ऋतूचे
मीच बावरी रे झाले
गीत तुझे येता ओठी
आठवण ती छळते
गार वारा मारी मिठी
भेट तुझी ती स्मरते
भेटणार आता कधी
किती ऋतू आले गेले
नयनात दाटे पाणी
काळीज झाले रे मुके
© सौ.वंदना अशोक हुळबत्ते
मो.९६५७४९०८९२
सांगली
≈ संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे ≈
