सुश्री अरूणा मुल्हेरकर
कवितेचा उत्सव
☆ नव्या वाटा…. ☆ सुश्री अरूणा मुल्हेरकर ☆
गळूनी गेली सारी पाने
वृक्ष उभा ताठ
शिशीर संपूनी वसंत येईल
पुन्हा दिमाखात
बहर संपला
वादळ आले
तरूवर सारे
उन्मळूनी पडले
सोबतीला एकाकी जीवन
लेकुरवाळी मुले
इंद्रधनूचे सप्तरंग जणू
अंगण आनंदाने फुले
उदास स्वर ते माररव्याचे
परि वसंतात राग बहार
सुख दुःखाच्या झुल्यावरती
मिळे जगण्याला आधार
खेळ संपला जुना
चालणे नवीन वाटेवरी
अखेरच्या श्वासापर्यंत
जगायचे भूवरी
© सुश्री अरूणा मुल्हेरकर
डेट्राॅईट (मिशिगन) यू.एस्.ए.
≈संपादक–श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे ≈
