मराठी साहित्य – कवितेचा उत्सव ☆ घरात हसरे तारे असता… ☆ दत्ता वि.केसकर

 कवितेचा उत्सव 

☆ घरात हसरे तारे असता… ☆ दत्ता वि.केसकर ☆

घरात हसरे तारे असता मी पाहू कशाला नभाकडे

छकुल्यांची ग प्रशांत वदने

गोड गुलाबी गाली हसणे

अमृत त्यांच्या ओठी असता कशास मधुघट हवा गडे

गोजिरवाणी जशी वासरे

प्रेमळ माझी गुणी लेकरे

स्वर्ग अवतरे घरात माझ्या आनंदाचे पडती सडे

गोकुळ येथे गोविंदाचे

झरे वाहती शांतीसुखाचे

वैभव पाहून मम सदनीचे ढगाआड गं चंद्र दडे 

– दत्ता वि.केसकर

 ≈ संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे ≈