महंत कवी राज शास्त्री
साप्ताहिक स्तम्भ – हे शब्द अंतरीचे # 64
☆ नेत्र … ☆
(अष्ट-अक्षरी)
नेत्र पाहतील जेव्हा, तेव्हा खरे समजावे
उगा कधीच कुठेच, मन भटकू न द्यावे…
मन भटकू न द्यावे, योग्य तेच आचारावे
स्थिर अस्थिर जीवन, मर्म स्वतःचे जाणावे…
मर्म स्वतःचे जाणावे, जन्म एकदा मिळतो
सर्व सोडून जातांना, कीर्ती गंध तो उरतो…
कीर्ती गंध तो उरतो, सत्य करावे बोलणे
राज केले उक्त पहा, पुढे नाहीच सांगणे…
© कवी म.मुकुंदराज शास्त्री उपाख्य कवी राज शास्त्री.
श्री पंचकृष्ण आश्रम चिंचभुवन, वर्धा रोड नागपूर – 440005
मोबाईल ~9405403117, ~8390345500
≈संपादक–श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे ≈
