महंत कवी राज शास्त्री
साप्ताहिक स्तम्भ – हे शब्द अंतरीचे # 65
☆ अभंग… ☆
वात कफ पित्त, त्रय दोष युक्त
नच कधी मुक्त, जीव पहा…!!
रोगाचे आगार, मानवाचा देह
सुटतो का मोह, कधी याला…!!
संपूर्ण आयुष्य, हावरट बुद्धी
नाहीच सुबुद्धी, याच्याकडे…!!
शेवट पर्यंत, पाहिजे म्हणतो
स्वतःचे करतो, अहंकारी…!!
वाईट आचार, सदैव साधतो
देवास भजतो, स्वार्थ हेतू…!!
कवी राज म्हणे, स्वभाव जीवाचा
उपाय कुणाचा, चाले ना हो…!!
© कवी म.मुकुंदराज शास्त्री उपाख्य कवी राज शास्त्री.
श्री पंचकृष्ण आश्रम चिंचभुवन, वर्धा रोड नागपूर – 440005
मोबाईल ~9405403117, ~8390345500
≈संपादक–श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे ≈
