मराठी साहित्य – कवितेचा उत्सव ☆ अल्लड प्रेमास – कविवर्य गोविंदाग्रज ☆ प्रस्तुती – श्री सुहास रघुनाथ पंडित

कविवर्य गोविंदाग्रज

 कवितेचा उत्सव 

☆ अल्लड प्रेमास – कविवर्य गोविंदाग्रज ☆ प्रस्तुती – श्री सुहास रघुनाथ पंडित ☆

क्षणभर वेड्या प्रेमा थांब !

अधिर मनासह जासी कोठे ?

चुकशिल-संकटि पडशिल वाटे

जग हे सारे बा रे खोटे !

हृदय सोडुनी;गड्या म्हणोनी,

जाई न कोठे लांब !

क्षणी पांढरा,क्षणीच काळा,

रंग आवडे असा जगाला,

ठाव तयाचा कुणा न कळला !

खुळ्या तुलाची,अशा जगाची

कळेल का कृती सांग ?

कविवर्य गोविंदाग्रज

प्रस्तुती – श्री सुहास रघुनाथ पंडित

सांगली (महाराष्ट्र)

मो – 9421225491

≈ संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे ≈