श्री तुकाराम दादा पाटील
कवितेचा उत्सव
☆ बरे नाही… ☆ श्री तुकाराम दादा पाटील ☆
(रंगराग)
बेगडी रिवाजाना पाळणे बरे नाही
देवळात देवाना शोधणे बरे नाही
बेरक्या पुढा-यांंची भाषणे किती खोटी
नेहमी दिमाखाने बोलणे बरे नाही
बिघडले असे स्वार्थी सोयरे कसे माझे
सारखे मला त्यानी फसवणे बरे नाही
मागच्या रिवाजांची मांडणी पुढे झाली
जातपात आताही नोंदणे बरे नाही
कोणत्या चुका आम्ही मागच्या पुढे केल्या
दाखवा समाजाला टाळणे बरे नाही
झाड सावली देते सारखी कुणाला ही
निंदकाला टाळायला सांगणे बरे नाही
© श्री तुकाराम दादा पाटील
मुळचा पत्ता – मु.पो. भोसे ता.मिरज जि.सांगली
सध्या राॅयल रोहाना, जुना जकातनाका वाल्हेकरवाडी रोड चिंचवड पुणे ३३
दुरध्वनी – ९०७५६३४८२४, ९८२२०१८५२६
≈ संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे ≈
