मराठी साहित्य – कवितेचा उत्सव ☆ हुकूमत वेळेची ☆ सौ.ज्योत्स्ना तानवडे ☆

सौ.ज्योत्स्ना तानवडे

 कवितेचा उत्सव 

☆ हुकुमत वेळेची ☆ सौ.ज्योत्स्ना तानवडे ☆ 

जन्म मृत्यूची वेळ

असते विधात्याच्या हाती

प्रत्येक गोष्टीची एक वेळ

ठरवत असते नियती ||

काळवेळेचे भान ठेवत

वेळ पाळत जावे

वेळेआधी अन वेळेनंतर

काही मिळत नाही हे उमजावे ||

वेळ फार महत्वाची

क्षणक्षण मोलाचा असतो

अचानकपणे एक क्षण

आयुष्याला कलाटणी देतो ||

गेलेली वेळ कधीच

परतून पुन्हा येत नाही

आयुष्याचा नियम मोलाचा

वेळे इतके काही मौल्यवान नाही  ||

वेळ हसवते वेळ रडवते

वेळेमुळे दु:खाला विसर पडतो

प्रत्येक जण कुणीही असो

वेळेचा मात्र गुलाम असतो ||

© सौ.ज्योत्स्ना तानवडे

वारजे, पुणे.५८

≈ संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे ≈