महंत कवी राज शास्त्री
हे शब्द अंतरीचे # 74
☆ तप्त उन्हाच्या झळा… ☆
हे शब्द अंतरीचे…
तप्त उन्हाच्या झळा
तप्त उन्हाच्या झळा
चैत्र महिना तापला
पळस फुलून गळाले
होळीचा सण आटोपला…०१
तप्त उन्हाच्या झळा
जीव अति घाबरतो
थंड पाणी प्यावे वाटे
उकाडा बहू जाणवतो…०२
तप्त उन्हाच्या झळा
शेतकरी घाम गाळतो
अंग भाजले उन्हाने
तरी राब राब राबतो…०३
तप्त उन्हाच्या झळा
फोड आला पायाला
अनवाणी फिरते माय
चारा टाकते बैलाला …०४
तप्त उन्हाच्या झळा
सोसाव्या लागतील
थोड्या दिसांनी मग
मृगधारा बरसतील…०५
© कवी म.मुकुंदराज शास्त्री उपाख्य कवी राज शास्त्री.
श्री पंचकृष्ण आश्रम चिंचभुवन, वर्धा रोड नागपूर – 440005
मोबाईल ~9405403117, ~8390345500
≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
