श्रीमती रंजना मधुकरराव लसणे
कवितेचा उत्सव
☆ रंजना जी यांचे साहित्य # 95 – संवेदना ☆
स्पंदनाने जागवली
संवेदना ही मनाची।
रास जणू जमलेली
जीवघेण्या वेदनांची।।धृ।।
व्यथा बालमनाची ही
कथा सांगे मजुरीची ।
मृत्यू दारी कुपोषित।
झुंज देई जीवनाची।
शिक्षणाच्या बाजारात
पैशाची हो चाले बोली।
पारडे हे गुणांचे हो
नेहमीच कसे खाली।
गर्भातच खुडलेल्या
नसे गणती कळ्यांना।
व्यापारात विवाहाच्या
सूरी लागेते गळ्यांना।
बेकारीच्या चरख्यात
आज हरे तरूणाई ।
ऐन उमेदीत कुणी
फासावर का जाई।
© रंजना मधुकर लसणे
आखाडा बाळापूर, जिल्हा हिंगोली
9960128105
≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
