मराठी साहित्य – कवितेचा उत्सव ☆ गुलाबी सण ! ☆ श्री प्रमोद वामन वर्तक ☆

श्री प्रमोद वामन वर्तक

 कवितेचा उत्सव  

गुलाबी सण… श्री प्रमोद वामन वर्तक  

रंग सगळे अंगावरले

झाले असतील ते धुवूनी,

रंग करांचा नसेल गेला

कालची धुळवड खेळूनी !

ठेवा शिल्लक त्यावर थोडा

सुंदर गुलाबी रंग प्रेमाचा,

मनांत पक्के ठरवा तुम्ही

त्यास जन्मभरी जपायचा !

करावी सदा सर्वदा तुम्ही

प्रेम रंगाची ती उधळण,

मग होईल आयुष्य तुमचे

न संपणारा गुलाबी सण !

© श्री प्रमोद वामन वर्तक

ठाणे.

मो – 9892561086

ई-मेल – [email protected]

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈