श्री प्रमोद वामन वर्तक
कवितेचा उत्सव
🙏 बा द श हा ! 🙏 श्री प्रमोद वामन वर्तक 
सुंदर निळे हसरे डोळे
केस कुरळे रुपेरी डोईवर,
सडसडीत शरीर बांधा
तेज आगळे मुखावर !
हाती पडता निर्जीव तारा
काढी त्यातून स्वर्गीय सूर,
वाद्य साथीचे काश्मीरचे
जगभर केले अजरामर !
हरपला बादशहा संतूरचा
रसिक मुकती ब्रम्हानंदाला,
जागवून जुन्या आठवणी
सूर जादुई तारेचा थंडावला !
© श्री प्रमोद वामन वर्तक
११-०५-२०२२
ठाणे.
मो – 9892561086
ई-मेल – [email protected]
≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
