सौ. उज्वला सुहास सहस्रबुद्धे
कवितेचा उत्सव
☆ सावित्रीच्या लेकी… ☆ सौ. उज्वला सुहास सहस्रबुद्धे☆
आम्ही सावित्रीच्या लेकी,
जुन्या की नव्या ?
प्रश्न पडतो कधी कधी,
कशा होत्या त्या या जगी!
एक पुराणातील सावित्री,
सत्यवानाचे प्राण राखी !
दुसरी आधुनिक सावित्री,
स्त्रियांची ती झाली सखी!
होत्या दोन्ही बुद्धिवान स्त्रिया,
जपून होत्या स्वातंत्र्याला !
एकीने जोडला निसर्ग ,
तर दुसरीने शिक्षणाचा वर्ग!
वसा बुद्धी ज्ञान चातुर्याचा ,
सावित्री जपे सत्यवानासाठी!
वसा ज्योतीबांच्या सावित्रीचा,
होता स्त्रियांच्या उद्धारासाठी!
जुन्यातील चांगले जपू,
नाविन्याला साथ देऊ!
सावित्रीच्या उतराई होऊ,
स्त्रीत्वाचा सन्मान करू!
© सौ. उज्वला सुहास सहस्रबुद्धे
≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
सुंदर अभिव्यक्ति