श्रीमती रंजना मधुकरराव लसणे
कवितेचा उत्सव
☆ रंजना जी यांचे साहित्य # 107 – येऊन जा जरा ☆
हा दाह जाळणारा शमवून जा जरा।
ही ओल भावनांची देऊन जा जरा।
नाही मुळीच माया माता पिता नसे।
हे बाल्य खेळवाया येऊन जा जरा।
नुरलेत त्राण देही वृद्धाश्रमी जरी।
घर आज आश्रयाला ठेऊन जा जरा।
झेलून या विषारी नजराच बोचऱ्या।
अबलेस तारणारा होवून जा जरा।
भोगीच आज योगी हे मातले अती।
धर्मांध दानवांना ताडून जा जरा।
थकलेत राबणारे जोडून हात ही ।
हे पाश सावकारी तोडून जा जरा।
© रंजना मधुकर लसणे
आखाडा बाळापूर, जिल्हा हिंगोली
9960128105
≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
