स्व कवी मधुकर जोशी
☆ कवितेचा उत्सव ☆ माती सांगे कुंभाराला ☆ स्व कवी मधुकर जोशी ☆
माती सांगे कुंभाराला !
माती सांगे कुंभाराला पायी मज
तुडविसी
तुझाच आहे शेवट वेड्या माझ्या
पायाशी !
मला फिरविशी तू चाकावर
घट मातीचे घडवी सुंदर
लग्नमंडपी कधी असे मी कधी
शवापाशी!
वीर धुरंधर आले, गेले
पायी माझ्या इथे झोपले
कुब्जा अथवा मोहक युवती अंती
मजपाशी !
गर्वाने कां ताठ राहसी?
भाग्य कशाला उगा नासशी?
तुझ्या ललाटी अखेर लिहिले मीलन माझ्याशी!
कवितेचा
स्व कवी मधुकर जोशी
≈ ब्लॉग संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित ≈
