कवितेचा उत्सव
☆ खरा पाऊस… ☆ श्री शरद कुलकर्णी ☆
व्हावे मनाचे आकाश,
यावे काळजांत मेघ.
दूर क्षितिज दिसावे,
जशी काल्पनिक रेघ.
मोर मनस्वी नाचावे,
पावसात लयबद्ध .
असो पाऊस उत्सव,
पापण्यात खोल बद्ध.
कधी ओलेचिंब व्हावे,
थेंब सुजाण जपावा.
पावसाळ्याच्या ऋतुत,
खरा पाऊस कळावा.
© श्री शरद कुलकर्णी
मिरज
≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
सुंदर