सुश्री नीलांबरी शिर्के
चित्रकाव्य
– आली गौराई लाडकी… – ☆ सुश्री नीलांबरी शिर्के ☆
☆
आली गवर लाडकी
सोन्याच्या पाऊली
लिंबलोण उतरिते
घराची माऊली
☆
आली गवर लाडकी
समृद्धीच्या पावली
आवडीने तीजसाठी
भाजी भाकरी केलेली
☆
आली गवर लाडकी
तिला घरात फिरवू
तिच्या वावरण्याने
सुख सारे घरात भरवू
☆
आली गौराई लाडकी
शंकरोबा सहीत
शंकराचा मान राखू
अन गौराई सहित
☆
आली गौराई लाडकी
दोन दिसाची पाहुणी
तिला जपू या साऱ्यांनी
घाला गोडधोड करुनी
☆
© सुश्री नीलांबरी शिर्के
मो 8149144177
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
