श्री आशिष बिवलकर
चित्रकाव्य
– आदिशक्तीचा सोहळा…– ☆ श्री आशिष बिवलकर ☆
☆
थिरकले पाय,
दांडियाच्या तालावर |
चैतन्य ओसंडून वाहिले,
तरुणाईच्या गालावर |
☆
नऊ दिवसांचा चाले,
आनंदाचा रासरंग |
देहभान विसरून,
गरब्यात होई दंग |
☆
एक एक ठेका धरत,
लय बद्ध नाच चाले |
मने जुळती मने कळती,
ओलेचिंब मन झाले |
☆
मौज मजा मस्ती,
आनंदाची उधळण |
संगीताने मंत्रमुग्ध,
बेधुंद प्रत्येक क्षण |
☆
सुंदर नखरापट्टा,
साजशृंगार वेशभूषा |
लाखात उठून दिसावं,
जिची तिची मनीषा |
☆
देवीच्या मंडपात उत्साहात ,
गरबा खेळायला गोळा |
आदिमाया आदिशक्तीचा,
नऊ दिवसांचा सोहळा |
☆
© श्री आशिष बिवलकर
बदलापूर
मो 9518942105
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
