सुश्री नीलांबरी शिर्के
चित्रकाव्य
– “कोण गं तू ?” – ☆ सुश्री नीलांबरी शिर्के ☆
☆
कोण ग तू ?
आरशात बसलीस
माझ्यासारखीच
कशी दिसायला लागलीस ?
मी करेन
तेच कशी करतेस
मला तर अगदी
लब्बाड वाटतेस !
मी बोलले तर
फक्त ओठ हलवतेस
आवाजच ऐकू येत नाही
असे का करतेस !
काय म्हणायचंय ते
अजिबातच कळत नाही ग !
आश्चर्याने मी पाहता
तूही मग तसेच बघतेस ग !
मी जसे वागते
अगदी तशीच तूही वागतेस
असं सारखं सारखंच
का गं तू करतेस !
थांब जरा आता मी
आईलाच विचारते
बघू ती तरी तुला
कशी ओळखते ते ?
आणि ….
आरशातून तुला बाहेर काढून
माझ्याशी खेळू देते का ते |
☆
© सुश्री नीलांबरी शिर्के
मो 8149144177
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
