सुश्री वर्षा बालगोपाल
चित्रकाव्य
सुवर्णमित्र… सुश्री वर्षा बालगोपाल ☆
☆
दुसऱ्या भागात काम झाले
आता या भागात परिक्रमा
विसावला तरु-अंजलीत भानू
चैतन्याची गाठेल परिसीमा ||
*
धुके तळ्यात बुडवूनी पाय
तरु योगी नभात पाही
आभा कलश घेऊन हाती
चैतन्य अर्घ्य सूर्यास वाही ||
*
नवजात रवी रमे कुशीदृमी
हिरण्यगर्भ देई प्रसन्नतेची हमी
सकलादर्श ठरणाऱ्या लेकराला
जागविण्या येई अनिलाला खुमखुमी ||
*
कोणता हा वृक्ष आहे
फुल कोणते का फळ असे हे
पाहण्यानेच येई ऊर्जा अंगी
सकल जग कौतुके पाहे ||
*
विचारांच्या शाखा डोलल्या
पाहता असे सुंदर चित्र
कल्पनेच्या झाडावरती
बहरू लागला सुवर्ण मित्र ||
☆
© सुश्री वर्षा बालगोपाल
मो 9923400506
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
