मराठी साहित्य – चित्रकाव्य ☆– “मर्यादेचे वर्तुळ…” – ☆ सुश्री नीलांबरी शिर्के ☆

सुश्री नीलांबरी शिर्के

  चित्रकाव्य  

– “मर्यादेचे वर्तुळ…” –  ☆ सुश्री नीलांबरी शिर्के ☆

☆

मर्यादेचे वर्तुळ भवती

तोल सांभाळीत चालते

मागुन येणारांच्यासाठी

दिवा घेऊनी वाट दावते —

*

वाटेवरचे खाचखळगे

येणारा चुकवत येईल

वेळ, इच्छा असेल जर

खड्डे सारे मुजवून घेईल —

*

 दगड काटे दूर सारतील

तया कोणी नष्ट करतील

त्यांच्या मागून येणारे मग

वेगे मार्गक्रमणा करतील —

*

 प्रकाश देणे मानसिकता

 मागच्यांना गरज ठरते

 समोरच्याला नजरेने अन्

 शब्दाने सुचविताही येते —

☆

© सुश्री नीलांबरी शिर्के

मो 8149144177

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Print