मराठी साहित्य – चित्रकाव्य ☆ ते जात्यात… तू सुपात… ☆ श्री आशिष बिवलकर ☆

श्री आशिष  बिवलकर

  चित्रकाव्य  

– ते जात्यात… तू सुपात… –  ☆श्री आशिष  बिवलकर ☆

☆

माणूसच कापतो माणसाचा गळा |

निरापराधांचे जीव गेले,

अन सामान्य माणूसच 

नेहेमी सोसतोय झळा |

*

मुर्दाड व्यवस्थेच्या दलालांना,

कुठे पडली सामान्यांची तमा |

टक्के वारी, हप्ते वसुली,

निर्लज्ज करत बसलेत जमा |

*

पैशासाठी बायका मुलांनाही,

बाजारात नेऊन विकतील |

देव देश धर्म सारच काही ,

हाती लागेल ती फुंकतील |

*

राजमान्य भ्रष्टाचाऱ्यांना,

ना कुणाची भीती आहे |

मिल-बाटके सब खायेंगे ,

हीच त्यांची नीती आहे |

*

निरापराध माणसं मेली,

काय दोष त्यांच्या कुटुंबाचा |

दुर्घटनेच्या नावाखाली,

घडा लपवला जाईल पापांचा |

*

बंद डोळे – बंद कान करून,

सामान्य माणसा जगत रहा |

आज ते जात्यात, तू सुपात,

खेळ असाच पहात रहा |

☆

© श्री आशिष  बिवलकर

बदलापूर

मो 9518942105

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

Print