सुश्री नीलांबरी शिर्के
चित्रकाव्य
☆ सृजनता … ☆ सुश्री नीलांबरी शिर्के☆
☆
करवतीने कापा करकर
घाव कुऱ्हाडीचे दणादण
पाण्यामधे करा प्रवाही
कुजेन मी मग तेथे कणकण
*
पाण्यामधे कुजता कुजता
शेवटपर्यंत जपेन सृजनता
जलावरच्या देही जन्मली
म्हणूनच ही सृष्टी संपन्नता
*
या निसर्ग वृत्तीमुळेच आहे
अजूनही जगी या हिरवाई
अमानुष कत्तल वृक्षांची
अन कसरत ही समतोलाची
☆
© सुश्री नीलांबरी शिर्के
≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
