सुश्री नीलांबरी शिर्के
चित्रकाव्य
☆ बोलका निसर्ग… ☆ सुश्री नीलांबरी शिर्के☆
☆
गजरा ल्यायली जणू वाटते
हिरवीगार फांदी
नैसर्गिक सौंदर्याची असावी
खरी हीच नांदी
*
निसर्ग झुलतो तोच डोलतो
निसर्ग शृंगार करतो
निरामय मन जवळ जयाच्या
निसर्ग त्यासवे बोलतो
*
निसर्गास कितीतरी वेदना
मानवनिर्मित
मूकपणाने तरी साधत जातो
तो जगताचेच हित
*
ज्यांच्यासाठी झटतो जीवनभर
तयाला जवळ करावे
निसर्गासही असते ना मन
ते संवादे सुखवावे
*
निसर्ग मानव समतोलाला
जरा स्वतः पुढे यावे
जपा जपुया सृष्टी श्रीमंती
नव्या पिढीच्या सुखास्तव
….. तुम्ही ,आम्ही अन सर्वांनी
….. जाणुया खरे वास्तव
☆
© सुश्री नीलांबरी शिर्के
≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
