श्री प्रमोद वामन वर्तक
चित्रकाव्य
बातमी… ☆ श्री प्रमोद वामन वर्तक ☆
☆
दृष्ट लागली माहेरघराला
पडला विळखा पबवाल्यांचा
दिवसा ढवळ्या निघू लागला
धूर असली अमली पदार्थांचा
वाया चालली तरुण पिढी
करू लागली विखारी नशा
वारे वाढले गुंडगिरीचे अन्
भरकटली तरुणाई दाही दिशा
घेतली वाटे जणू समाधी
गल्ली बोळातील देवांनी
ऱ्हास विद्येच्या माहेर घराचा
न पहावे म्हणती डोळ्यांनी
वाताहत ही पुण्यनगरीची
बघवत नाही ठाणेकराला
सद्बुद्धी द्यावी ‘त्या तरुणाईला’
विनवितो इथून दगडूशेठला
विनवितो इथून दगडूशेठला ……
☆
© प्रमोद वामन वर्तक
संपर्क – दोस्ती इम्पिरिया, ग्रेशिया A 702, मानपाडा, ठाणे (प.) 400610
मो – 9892561086 ई-मेल – pradnyavartak3@gmail.com
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
